بْتِسْمَحِي نِرْقُصْ سَوَا
يَا شَارْدِه بلَيْلِةْ سَهَرْ
تَا نْدَرْدِش كْلام الْهَوَى
وْنِتْغَزَّل بْحُسْن الْقَمَرْ
مْنِرْقُصْ عَلَى صْفِير الْهَوَا
وْعَ خَشِّة وْرَاق الشَّجَرْ
قَالُوا الرَّقصْ أَحْسَنْ دَوَا
الْـ بِيجَرِّبُو بْيِنْسَى الْبَشَرْ
وْمِتْلِكْ أَنَا قَلْبِي انْكَوَى
وْشُو خَيَّمْ عْلَيِّي الضَّجَرْ
وْرَحْ إِلْتِجِي بَعْد النَّوَى
لِلرَّقْص عَ بَرْد الْحَجَرْ!
**
