ـ1ـ
عْيُونَكْ شَمسْ.. يَا رَيْت بَعْرِفْ شُو فِيَا
مِنْ حُبّْ نَحْوِي وْمِنْ عَطفْ
تَا إِشكرَكْ عَ هَـ اللُّطْفْ
وِانْ كَانْ مَا فِيهَا حَنَان وْحُبّْ
بِرْكَع بْصَلِّي وْبِطْلُب مْنِ الرَّبّْ
يْوَدِّي صَوَاعِقْ عَ الْعُيُون وْيِفْقِيَا
ـ2ـ
صَرْلِي سِنِه بِتْطَلَّع بْعِينَيْكْ
وْما بْخَافْ إِنِّي إِحْتِرِقْ
وِبْخَبّرَكْ قَلْبِي غِرِقْ
بِبْحَيرتَكْ.. رَحْمِه انْشِلُو بْإِيدَيْكْ
ـ3ـ
لا تِظْلُم الْمَظْلُومْ أَكْتَرْ ما انْظَلَمْ
لَيْقُومْ أَللَّـه يِضِرْبَكْ
بِالآخْرَه.. وِيْعَذّبَكْ
وِتْصِيرْ تَعْرِفْ شُو الْمَحَبِّه.. وْشُو الأَلَـمْ؟
**
